Վիտալի Բալասանյանը Արցախի բազմաթիվ քաղաքացիներից մեկն է, որը կարող է ունենալ իր կարծիքը. նա որևէ պետական պաշտոն չի զբաղեցնում և չի արտահայտում որևէ պետական մոտեցում կամ տեսակետ։ Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Տաթևիկ Հայրապետյանը՝ անդրադառնալով նրան, որ Վիտալի Բալասանյանը հայտարարել էր, թե Հայաստանը Արցախում կայանալիք ընտրություններում դիտորդական առաքելություն ուղարկելով միջամտում է Արցախի ներքին գործերին։
«Ինչ վերաբերում է Արցախի իշխանությունների արձագանքին, ես օրերս Արցախում էի և տեսա, որ դա շատ դրական է ընկալվել։ Շատ ոգևորված են, և այն քաղաքական ուժերը, թիմերը, որոնք պատրաստվում են իսկապես ընտրությունների, դա միայն ոգևորում է իրենց, որ նման ֆինանսավորման պայմաններում ցուցակները կմքրվեն։ Ինչ-որ առումով սա նաև պիլոտային է հաջորդ տարի Արցախում սպասվող նախագահական և խորհրդարանական ընտրություններից առաջ»,-ասաց պատգամավորը։