Նորվեգիայում 2020-ին նավթի արդյունահանման բում է սպասվում վերջին 40 տարվա ընթացքում, կապված Հյուսիսային ծովում հսկա Johan Sverdrup հանքավայրի շահագործման հետ, գրում է Bloomberg-ը:
2010-ին բացված Johan Sverdrup-ը Հյուսիսային ծովում երբևէ հայտնաբերված հինգ խոշոր ծովային հանքավայրերից մեկն է, որի պաշարները 2.7 միլիարդ բարել են գնահատվում, հաղորդում է S&P Global-ը:
Հանքից արդյունահանվող հումքը կսկսեն բեռնել լցանավերն արդեն այս տարվա հոկտեմբերին: Johan Sverdrup-ի շնորհիվ Նորվեգիայում նավթի արդյունահանումը կբարձրանա ամենաբարձր մակարդակին 1980-ականներից ի վեր, գրում է գործակալությունը:
Johan Sverdrup-ից հետո Հյուսիսային ծովի հերթական խոշոր հանքավայրի՝ Martin Linge-ի շահագործումը նախատեսվում է մինչև 2020 թ.-ը:
Մինչդեռ վերլուծաբանները պնդում են, որ Նորվեգիայում նավթի արդյունահանման բումը երկար չի տևելու, քանի որ հանքերի պաշարները, որոնք շահագործվում են դեռ 1970-ականներից,, սպառվում են: