ԱՄՆ փոխնախագահ Մայք Փենսը հանդես է եկել Ռուսաստանի դեմ Եվրոպա կատարած իր այցի ընթացքում՝ նախագահ Դոնալդ Թրամփի երկիրը G7 վերադարձնելու կոչից մի քանի օր անց, հաղորդում է The Washington Post-ը:
Նշվում է, որ նա քննադատել է Ռուսաստանին ընտրություններին միջամտելու համար, ինչպես նաև Լեհաստանին աջակցություն է խոստացել զինված ուժերն ամրապնդելու հարցում՝ տարածաշրջանում «ռուսական ագրեսիայի» ֆոնին: Փենսը կոչ է արել զգոնություն ցուցաբերել Ռուսաստանի գործողությունների ֆոնին: Բացի այդ, նա դատապարտել է Միացյալ Նահանգների և Լեհաստանի միությունը բաժանելու Մոսկվայի ցանկությունը: Չնայած փոխնախագահը շարունակում է մնալ Թրամփի անկոտրում կողմնակիցը և բարեխիղճ բանագնացը, այս հայտարարությունը ցույց տվեց, որ նրա և պետության ղեկավարի միջև տարաձայնություններ կան: Չնայած այն բանին, որ Թրամփը վճռականորեն պաշտպանում է Պուտինին, այս անգամ Փենսը հանդես եկավ «պահպանողական բազեի» դերում:
Փենսի շտաբի ղեկավարի խոսքերով, նրա ղեկավարն ու Թրամփը համաձայնեցնում են արտաքին քաղաքականությունը: Միևնույն ժամանակ, ոչ մի ամերիկյան նախագահ այնքան կոշտ չի եղել Ռուսաստանի նկատմամբ, որքան Թրամփը: Չնայած Ռուսաստանի պահվածքի վերաբերյալ նրանք անհանգստություն են հայտնում տարբեր ձևերով, Թրամփն ու Փենսը ընդհանուր նպատակներ և առաջնահերթություններ ունեն: Ընդգծվում է, որ Լեհաստանում փոխնախագահը հանդես է եկել Թրամփի անունից: