Առողջապահության նախարար Արսեն Թորոսյանն այսօր մամուլի ասուլիս էր հրավիրել, սակայն այն ձախողվեց. ասուլիսին ներկայացել և ցանկացել էր հարցեր տալ նախարարության՝ վերջերս հրաժարական տված խորհրդատու, ուռուցքաբան Գևորգ Թամամյանը: Նախարարը հեռացել է՝ հայտարարելով, որ իր ասուլիսը տապալվեց:
Թեմայի շուրջ «Առաջին լրատվական»-ի հետ զրույցում Առողջապահության նախարարության բժշկական օգնության քաղաքականության վարչության պետ Լուսինե Քոչարյանը, անդրադառնալով դիտարկմանը, որ Գևորգ Թամամյանը պաշտոնից հրաժարական տալով՝ առողջապահության նախարարին մեղադրել էր պոպուլիզմի և ոլորտը ձախողելու մեջ, նշեց. «Գևորգ Թամամյանը ուռուցքաբանական ծառայությունների բարելավմանն ուղղված կառավարման խորհրդի անդամ է, նրա ձայնը հասանելի է, բոլոր հարթակներում նա հնարավարություն ուներ իր մասնագիտական կարծիքը հայտնել: Նրա հարցազրույցում ակնառու հակասություն կա… Մի կողմից՝ նա նշում է, որ մարդիկ տուն-տեղ են ծախում, որ կարողանան վիրահատություն անել, քաղցկեղը բուժել, մյուս կողմից՝ քննադատում է նախարարի կատարած միջոցառումները ուռուցքաբանության ոլորտում և այն, որ պետական երաշխավորություն է սահմանվել այս ծառայությունների համար. պետությունն ամբողջությամբ փոխհատուցում է տրամադրում ուռուցքաբանական վիրահատությունների համար…»:
«Գևորգ Թամամյանի արարքը սադրանք էր, բժշկին ոչ վայել վարքագիծ»,- ընդգծեց Լուսինե Քոչարյանը՝ հավելելով, որ այսպիսի վարքագիծ երբևէ չի դրսևորվել՝ այն էլ բժշկի կողմից:
Մանրամասն՝ տեսանյութում: