Վրաստանի վարչապետի թեկնածու Գեորգի Գահարիան սեպտեմբերի 3-ին կայացած ճեպազրույցում հայտարարել Է, որ խորհրդարանի հաստատմանը կներկայացնի կառավարության նորացված կազմը՝ ներքին գործերի նախարարության (ՆԳՆ) նոր ղեկավար Վախթանգ Գոմելաուրիի եւ պաշտպանության նախարարության (ՊՆ) ղեկավար Իրակլի Ղարիբաշվիլիի թեկնածություններով։
«Այսօր ես խորհրդարանում կներկայացնեմ կառավարության ծրագիրը: Նախարարների կաբինետի կազում կլինեն ոչ մեծ փոփոխություններ. ՆԳՆ-ի ղեկավար կդառնա Վախթանգ Գոմելաուրին, իսկ պաշտպանության նախարար՝ Իրակլի Ղարիբաշվիլին»,- հայտարարել Է Գահարիան:
Գոմելաուրին Պետական անվտանգության ծառայության ղեկավարն Է: Մինչեւ 2013 թվականը նա եղել Է Իվանիշվիլիի պահպանության պետը, 2015 թվականին՝ ներքին գործերի նախարար: Ղարիբաշվիլին ավելի վաղ եղել Է ՆԳՆ-ի ղեկավար եւ վարչապետ (2013 – 2015), այնուհետեւ ժամանակավորապես հեռացել Է քաղաքականությունից։
