2019թ․ սկզբից ի վեր ռուս միլիարդատերերը հարստացել են 28,316 միլիարդ դոլարով։ Այս մասին են վկայում Bloomberg Billionaires Index (BBI) վարկանիշի տվյալները:
Ընդհանուր առմամբ, BBI վարկանիշը պարունակում է աշխարհի ամենահարուստ մարդկանց 500 անուն, որոնցից 24-ը պատկանում են ռուս ձեռներեցներին։
Ամենահարուստ ռուսստանցիների ցուցակը գլխավորում է «Նորնիկել»-ի համասեփականատեր Վլադիմիր Պոտանինը, նրա եկամուտն այս տարի աճել է 3,88 միլիարդ դոլարով (ընդհանուր ակտիվները կազմում են 23,5 միլիարդ դոլար): Երկրորդ տողում է «Նովատեք»-ի համասեփականատեր Լեոնիդ Միխելսոնը՝ 2,85 միլիարդ դոլար եկամուտ, երրորդ տեղում NLMK-ի շահառու Վլադիմիր Լիսինը՝ 2,64 միլիարդ դոլար շահույթով, այնուհետև հաջորդում են «Սեվերստալի» սեփականատեր Ալեքսեյ Մորդաշովը (աճը՝ 1,35 միլիարդ դոլար), առաջին հնգյակը փակում է «Լուկոիլ»-ի համասեփականատեր Վագիտ Ալեքպերովը (աճը՝ 2,13 միլիարդ դոլար)։