Ամերիկյան Apple ընկերությունը նախազգուշացրել է ալյումինե պատյաններով Apple Watch սմարթ-ժամացույցների տերերին գաջեթների էկրաններին հնարավոր սպեցիֆիկ ճաքերի առաջացման ռիսկի մասին, ասվում է Apple-ի կայքում տեղադրված պաշտոնական հայտարարության մեջ:
Դրանք հնարավոր կլինի առանց հետքի անվճար վերանորոգել ընկերության սպասարկման կենտրոններում: Էկրանի փոխարինման ծրագիրը տարածվում է հետևյալ մոդելների վրա.
• Apple Watch Series 2 և Nike + Series 2, ձեռք բերված 2016-ի սեպտեմբերից մինչև 2017-ի սեպտեմբերն ընկած ժամանակահատվածում,
• Apple Watch Series 3 և Nike + Series 3 բջջային աջակցությամբ և առանց դրա, ձեռք բերված 2017-ի աշնանից մինչև 2019-ի սեպտեմբերն ընկած ժամանակահատվածում:
Ինչպես պարզաբանել են ընկերությունում, այս մոդելների կորացված ծայրերում հազվադեպ դեպքերում կարող են հայտնվել միկրոճաքեր: Պատահաբար կոտրված ժամացույցների էկրանները չեն փոխարինվի: