Ուկրաինան մտադիր է Մոսկվայի հետ կոնֆլիկտային հարցերը լուծել «քայլ առ քայլ»: Այս մասին Ուկրաինայի նախագահ Վլադիմիր Զելենսկին հայտարարել է «1+1» հեռուստաալիքին տված հարցազրույցում՝ մեկնաբանելով Պուտինի հետ պատրաստվող երրորդ շփման մասին լուրը «նորմանդական ձևաչափով»:
«Մեր կողմից դա (հանդիպումը) եղել է ծրագրված: Անկեղծ ասած, նա ինձ ասաց, որ նախկինում եղել են այնպիսի հարաբերություններ, որ որևէ հանդիպման մասին խոսք լինել չէր կարող, սակայն Մինսկի ձևաչափում լուծելու համար մեզ անհրաժեշտ է հանդիպել Նորմանդականում: Ես կարծում եմ, որ միայն միմյանց աչքերի մեջ նայելով և արևմտյան առաջնորդների ներկայությամբ մենք կարող ենք պայմանավորվել և ստորագրել. դա ամենակարևորն է»,- ասել է Զելենսկին:
Խոսելով ռազմագերիների և պատանդների ՌԴ-ի հետ պատրաստվող փոխանակման մասին՝ Զելենսկին նշել է, որ տիրապետում է «տեղեկատվությանը՝ ազգանուններով. ով ինչ է անում, ով ումից է փողեր ստանում, ով ինչ հղումներ է տալիս հեռուստատեսությանը, թերթերին, որպեսզի նրանք (քաղբանտարկյալները) ուղղակի չվերադառնան»:
«Ամբողջ տեղեկատվությունը կա. դա ամենագլխավորն է: Եվ բոլորը պետք է սրա համար պատասխան տան»,- հայտարարել է նա: