Հոնկոնգում ցուցարարները Ուկրաինայում արժանապատվության հեղափոխության իրադարձությունների մասին «Ձմեռը կրակի մեջ» վավերագրական կինոնկարի զանգվածային ցուցադրություն են կազմակերպել: Ֆիլմը հեռարձակվել է քաղաքի 40 տարբեր վայրերում, իսկ որոշ դեպքերում նաև քաղաքացիների կողմից բերված էկրաններին:
Սակայն ցուցադրությունից հետո առավոտյան կազմակերպիչները՝ Ջոշուա Վոնգը, Ագնես Չոուն և Էնդի Չենը, ձերբակալվել են և տարվել անհայտ ուղղությամբ:
DW- ի փոխանցմամբ՝ օգոստոսի 31-ին տասնյակ հազարավոր ցուցարարներ դարձյալ դուրս են եկել Հոնկոնգի փողոցները: Սկզբում ոստիկանությունը միայն արգելափակել է որոշ փողոցներ և չի միջամտել երթին, սակայն երբ երթը մոտեցել է Հոնկոնգի Օրենսդրական խորհրդի շենքին, ցուցարարների դեմ արցունքաբեր գազ, ջրային թնդանոթ և պղպեղի սփրեյ է օգտագործվել:
