Friday, 29 03 2024
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան

Սյունիքում 15-ամյա պատանին դանակահարել է դպրոցի մոտ ի տես աղջիկների ձեռնաշարժություն արած երիտասարդին

Սյունիքի մարզի ընդհանուր իրավասության դատարանում Նապոլեոն Օհանյանի նախագահությամբ ավարտվել է Հայկ Մ.-ի գործի դատական քննությունը:

2003 թվականին ծնված Հայկը ավագ դպրոցի աշակերտ է:

Նրան մեղադրանք էր առաջադրվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Դեպքի պահին՝ 2019 թվականի մայիսի 15-ին, Հայկ Մ.-ի 16 տարին դեռ չէր բոլորել:

Ըստ մեղադրանքի՝ դեպքի օրը, ժամը14-ն անց 30-ի ահմաններում Հայկը անչափահաս քրոջից տեղեկացել է, որ դպրոցից տուն գալու ժամանակ նա տեսել է՝ ինչպես դպրոցի մոտ կայանած մեքենայի մեջ գտնվող տղամարդը ձեռնաշարժությամբ էր զբաղվում:

Ժամը 15-ն անց 30-ի սահմաններում Հայկը, ըստ մեղադրանքի, հայտնաբերել է հիշյալ տղամարդուն՝ Բարսեղ Մ.-ին (անունը փոխված է), կանգնեցրել է նրա վարած մեքենան, նստել է վարորդի կողքի նստատեղին և իր մոտ եղած դանակով երկու անգամ հարվածել է Բարսեղին՝ նրա առողջությանը պատճառելով ծանր վնաս՝ ձախ նախաբազկի , կրծքավանդակի առաջնային պատի կտրած-ծակած, որովայնի խոռոչ թափանցող, ստոծանու և լյարդի վնասումներով վնասվածքների ձևով:

Դատարանում Հայկն իրեն լիովին մեղավոր է ճանաչել, զղջացել է, հրաժարվել է ցուցմունքներ տալուց՝ խնդրելով հիմք ընդունել իր նախաքննական ցուցմունքները:

Նախաքննության ընթացքում Հայկը հայտնել է, թե ծնողները բաժանված են, իրենք՝ երեք երեխաները, մոր հետ են ապրում: Դեպքի օրը՝ 2019 թվականի մայիսի 15-ին, ժամը 14 –ից մինչև 14-ն անց 30-ի սահմաններում ինքը գտնվել է հարևանի մոտ: Վերջինս մեքենայի վրա գործ էր անում:

Ինքը տեսել է, որ կրտսեր՝ 13-ամյա քույրը դպրոցից տուն է եկել ու անմիջապես գնացել է հարևանուհու մոտ: Մի քանի րոպե անց քույրն ու հարևանուհին դուրս են եկել տանից: Ինքը տեսել է, որ քույրը լաց է լինում: Հարցրել է՝ ի՞նչ է եղել, հարևանուհին ասել է, թե երեխան դասարանցի աղջկա հետ դպրոցից գալու ժամանակ տեսել է, որ դպրոցի մոտ մի մեքենա է կանգնած, որի ղեկին նստած երիտասարդը ուշադիր նայել է նրանց: Մեքենայի մոտով անցնելիս աղջիկները տեսել են, որ երիտասարդը իջեցրել է շալվարն ու խաղում է սեռական օրգանի հետ: Քույրն ասել է, թե ընկերուհին գիտի այդ մեքենայի համարանիշը, որովհետև նախկինում էլ է տեսել նրան:

Ինքը քրոջ ու հարևանների հետ գնացել է քրոջ դասընկերուհու տուն: Նրա մայրն ասել է, թե դուստրը արդեն երկու օր է՝ լաց լինելով է տուն գնում, հայրն էլ տանը չէ, երբ վերադառնա, նրան հայտնելու են՝ ինչ է կատարվում, որ այդ հարցին լուծում տան…

Քրոջ դասընկերուհին հայտնել է մեքենայի համարանիշը, իսկ քույրը՝ մակնիշը: Իրենք վերադարձել են իրենց թաղամաս: Ինքը մտել է տուն, փոխել է շորերը: Շալվարի գրպանում դանակ կար:

Հիշել է, որ ինքն էլ է տեսել աղջիկների ասած մեքենան: Հարևանին խնդրել է իրեն մեքենայով տանել այնտեղ, որտեղ տեսել էր այդ մեքենան: Քույրն ասել է, թե գալիս է, որ ճանաչի այդ երիտասարդին: Հարևանուհին էլ եկել է, որ քույրը մենակ չլինի:

Երբ գնացել են իրենց հարկավոր թաղամաս, անմիջապես տեսել են իրենց փնտրած մեքենան, որը երթևեկում էր: Ինքը ձեռքով նշան է արել, որ նա կանգնի: Իրենք իջել են մեքենայից: Իր կանգնեցրած մեքենայի մեջ միայն վարորդն էր: Ինքը մոտեցել է վարորդի դռանը, քույրը եկել է իր հետևից: Իր հարցին քույրը պատասխանել է, թե հենց այդ երիտասարդին է տեսել: Երիտասարդը փորձել է մեքենան վարել ու հեռանալ, բայց ինքը պահանջել է, որ կանգնի: Նկատել է, որ նա վախեցած է: Ինքը այդ պահին ահավոր ջղայնացած էր, ցանկանում էր նրան վնաս տալ, որ ցավ զգա ու այլևս նման բան չանի: Գնացել, նստել է վարորդի կողքի նստատեղին: Գնալու ընթացքում շալվարի գրպանից հանել է դանակը, սեղմել է կոճակը ու բացել է դանակը: Երբ նստում էր մեքենա, այդ տղան երևի տեսել է դանակը, ձեռքը բերել է դեպի իրեն, ինքը հարվածել է նրա ձեռքին, մի անգամ էլ հարվածել է փորի աջ մասին, հետո դուրս է եկել նրա մեքենայից: Վարորդը մեքենան վարել ու հեռացել է: Ինքը դանակով հարվածելու ժամանակ վնասել է աջ ձեռքի բութ մատը: Դանակը գնել էր մեկ տարի առաջ: Դեպքից հետո այն դեն է նետել:

Ըստ Հայկի՝ իր գործողությունները պայմանավորված էին նրանով, որ քույրը վախեցած էր, ինքը ցանկանում էր այդ տղային ցավ պատճառել:

Տուժող Բարսեղ Մ.-ն հայտնել է, թե ամբաստանյալին չի ճանաչել: Դեպքի օրը ինքը գնում էր տուն՝ ընդմիջում անելու: Երբ հասել է դպրոցի մոտ, կինը զանգել է, ինքը կանգնեցրել է մեքենան, որ հեռախոսով խոսի: Այդ ժամանակ մեքենայի կողքով դպրոցական աղջիկներ են անցել, ինքը սովորականի նման նայել է նրանց: Հնարավոր է՝ այդ պահին քոր է զգացել շեքի շրջանում, քորել է: Ինքը ձեռնաշարժությամբ չի զբաղվել: Մի քանի րոպե կանգնելուց հետո գնացել է տուն, հաց է կերել: Հետո դուրս է եկել տանից, շարժվել է դեպի կենտրոն: Խաչմերուկ չհասած՝ մի մեքենայից իրեն ձեռքով են արել, որ կանգնի: Կանգնել է: Այդ մեքենայից իջել են մի կին, մի աղջիկ ու ամբաստանյալը: Վերջինս աղջկան հարցրել է՝ սա՞ էր: Նա էլ ասել է՝ հա: Ամբաստանյալը հարցրել է՝ դա ի՞ր մեքենան է, միշտ ի՞նքն է վարում: Ինքը պատասխանել է՝ հա: Ամբաստանյալը մեքենայի դիմացով եկել, նստել է իր կողքի նստատեղին ու երկու անգամ դանակով հարվածել է իրեն: Դրանից հետո նա իջել է մեքենայից, իսկ ինքը շատ արագ գնացել է բարեկամի տուն, ասել է, որ վատ է զգում: Իրեն տեղափոխել են հիվանդանոց:

Տուժողը ամբաստանյալից որևէ պահանջ չի ունեցել:

Դատարանը հաշվի է առել, որ ամբաստանյալն անչափահաս է, անկեղծորեն զղջացել է կատարածի համար, իրեն մեղավոր է ճանաչել:

Հայկ Մ.-ն մեղավոր է ճանաչվել ՀՀ քրեական օրենսգրքի 112 հոդվածի 1-ին մասով, դատապարտվել է 3 տարի ազատազրկման, նրա նկատմամբ կիրառվել է պայմանական դատապարտություն, սահմանվել է 3 տարի փորձաշրջան:

Բաժիններ
Ուղիղ
Լրահոս
Որոնում