Լուրեր
Կարող է Պողոսն անգրագետ է, բայց նրա երեխան կարող է լինել գեներալ կամ լուրջ գիտնական, եթե կրթությունը էլիտար լինի
  • 13:30
  • 2019-09-01
  • Դիտումներ՝ *

Ինչպես արդիականացնել Հայաստանը և այն դարձնել համապատասխան ժամանակակից մարտահրավերներին և պահանջներին։

Հայաստանի արդիականացման բանավեճում կա մի հարց՝ հասարակությունը պետք է վերափոխվի և ձևավորի արդիական էլիտան, թե՞ արդիական էլիտան պետք է վերափոխի հասարակությունը․ «Առաջին լրատվական»-ի հարցին Ինֆորմացիոն տեխնոլոգիաների ձեռնարկությունների միության նախագահ Կարեն Վարդանյանը պատասխանեց․ «Դրանք փոխկապակցված միջոցներ են։ Ես կարծում եմ, որ Հայաստանի նման երկրում էլիտա, որպես այդպիսին, չպետք է լինի, որովհետև ամբողջ կրթությունը, դաստիարակությունը և մոտեցումը պետք է էլիտար լինի բոլորին։ Այսինքն՝ ամենասահմանային գյուղի ամենափոքր երեխային դու պետք է մոտենաս որպես էլիտա, որովհետև այսօրվա աշխարհն այնքան բարդ է, որ այն հասկանալու և այնտեղ գործելու համար շատ խելացի և շատ նվիրված մարդիկ են պետք։ Դրա համար, եթե Միացյալ Նահանգներում կա էլիտար ոնց որ առանձին պետություն, իսկ մնացածը պահվում է՝ որպես չգիտեմ նույնիսկ անունն ինչ դնեմ, այդ էլիտային սնում են դրսից եկած ուղեղներով, ապա մենք այդ մոտեցումը մեզ իրավունք չունենք թույլ տալու։ Դրա համար մենք հակառակ ուղղությամբ պետք է գնանք և ամբողջ հասարակությանը մոտենանք որպես էլիտա։

Վերջերս էլ եղավ դիսկուրս անգրագետ Պողոսի վերաբերյալ։ Կարող է Պողոսն անգրագետ է, բայց նրա երեխան կարող է լինել գեներալ, պատերազմի հերոս կամ լուրջ գիտնական, եթե մենք այդ երեխային համապատասխանաբար մոտենանք։ Դրա համար, ես կարծում եմ, որ մենք այդ տարբերությունը չպետք է դնենք, և ամբողջ կրթությունը պետք է լինի էլիտար, այսինքն՝ լավագույն»։

Խոսքը կրթության մասին չէ, այլ այն ստեղծագործ փոքրամասնության, մենեջերների, իշխանության մասին է, որը պետք է վճռորոշ և ազգի համար ճիշտ ուղենիշներով տանի հասարակությունը, որովհետև, եթե չլինի էլիտա, ապա լինում են չինովնիկներ, որոնք պարզապես կատարում են մեխանիկական աշխատանք։ Չինովնիկների դասը՝ կատարողներն են, իսկ էլիտան՝ մշակողները, ազգի ռազմավարական պլանավորումը իրականացնողները․ բանախոսին միջամտեց «Առաջին լրատվական»-ը։

 

 

Մանրամասները՝ տեսանյութում։

  • Դիտումներ՝ *