Twitter-ում քննարկում են Դոնալդ Թրամփի և նրա կնոջ՝ Մելանյայի մասնակցությամբ տեսանյութը: Սպիտակ տան ղեկավարն այցելել է Օհայո Նահանգի Դեյթոն քաղաքի հիվանդանոց՝ Էլ Պասո քաղաքում տեղի ունեցած ահաբեկչությունից տուժածներին աջակցելու նպատակով:
Տեսանյութը վրդովմունքի փոթորիկ է առաջացրել: Բազմաթիվ օգտատերերի դուր չի եկել, թե ինչպես է ԱՄՆ նախագահը կանչում իր կնոջը: Տեսանյութում, մեքենայի կողքին կանգնած Թրամփը ձեռքի ափով թփթփացնում է ոտքին, որից հետո նրան է մոտենում կինը:
Նման պահվածքը օգտատերերը համեմատել են շանը վարժեցնելու հետ «Ինձ մոտ, աղջի՛կ», «Ոչ ոք կանանց չի հարգում այնպես՝ ինչպես ես. ԱՄՆ նախագահ»,- գրել են նրանք մեկնաբանություններում:
Ավելի վաղ, Forbes ամսագրին տված հարցազրույցում ԱՄՆ առաջին տիկինը խոստովանել է, որ «Դոնալդի հետ ապրելու համար հարկավոր է լինել անկախ և կայացած կին»: Նա իր ամուսնությունն ամուր է համարել և խոստովանել է, որ իրենց միջև դեռ «քիմիա» կա:
