ԱԺ պատգամավոր Գայանե Աբրահամյանն իր ֆեյսբուքյան էջում գրել է․
«Ազգային ժողովում աշխատանքային հանդիպում ունեցանք «Եվրանեսթ» խորհրդարանական վեհաժողովի հայաստանյան պատվիրակության կազմով։ «Եվրանեսթ» ԽՎ-ն իր ընդգրկուն բնույթով և նշանակությամբ Եվրոպական միության Արևելյան գործընկերության նախաձեռնության կարևոր բաղադրիչներից է՝ լինելով միջխորհրդարանական համագործակցության հարթակ։ Հանդիպման ընթացքում քննարկեցինք Եվրանեսթի ութերորդ նստաշրջանին ընդառաջ մեր պատվիրակության նախապատրաստական աշխատանքները, ինչպես նաև պետական կառավարման համակարգի այլ մարմինների հետ համագործակցության հնարավոր մեխանիզմները՝ «Եվրանեսթ» ԽՎ-ում մեր մասնակցությունն առավելագույնս արդյունավետ դարձնելու համար։ Վստահ եմ, որ համակարգված աշխատանքի և հետևողական ջանքերի շնորհիվ կընդլայնենք բազմապրոֆիլ համագործակցությունը անդամ երկրների հետ և փոխշահավետ կապերի ստեղծման նոր ձևաչափեր կմշակենք»։
