NASA-ի ռեակտիվ շարժման լաբորատորիայի կողմից մշակված ատոմային ժամացույցը, որը նախատեսված է հեռավոր տիեզերքում ինքնավար ճանապարհորդությունների համար, հաջողությամբ ակտիվացվել է, գրում է Space.com-ը:
Այս ժամացույցը պետք է տիեզերանավերին հնարավորություն տա անվտանգ տեղաշարժվելու հեռավոր տիեզերքում՝ առանց Երկրից ցուցումներ ստանալու: Ապագայում դրանք պետք է տեղադրվեն տիեզերանավում այն իրերի հետ մեկտեղ, որոնք կարող են ազդել դրանց ճշգրտության և կայունության վրա: Գիտնականները մտադիր են հետևել ժամացույցի աշխատանքին և չափել դրա ճշգրտությունը՝ նանովայրկյաններով:
Այն գործարկվել է 2019-ի հունիսին: Ներկայումս սարքը գտնվում է Երկրի ուղեծրում և պատրաստ է շահագործման մեկ տարվա փորձաշրջան անցնել:
NASA-ի ռեակտիվ շարժման լաբորատորիայի կողմից մշակված սնդիկա-իոնային ատոմային ժամացույցը, հավանաբար ապագայում, կկարողանա աջակցել հեռավոր տիեզերական տարածությունում թռչող ինքնավար տիեզերանավերին:
Ատոմային ժամացույցը չափում է առարկաների միջև եղած հեռավորությունը՝ որոշելով մեկ օբյեկտից մյուսն ազդանշանի հասնելու համար անհրաժեշտ ժամանակը: