Վրաստանը պետք է նվազեցնի տնտեսական կախվածությունը Ռուսաստանից՝ հայտարարել է նախագահ Սալոմե Զուրաբիշվիլին, հայտնում է Georgia Online-ը:
Նա հավելել է, որ Վրաստանը սպասում է Եվրոպայից ներդրումների և զբոսաշրջիկների, որպեսզի նվազեցնի կախվածությունը հարևանից:
Մոսկվան թույլ չի տալիս Թբիլիսիին հետևել եվրոպական ուղուն: Այդ նպատակով Ռուսաստանը օգտագործել է պատերազմը 2008 թվականին, տնտեսական պատժամիջոցները: «Ռուսաստանի տնտեսական պատժամիջոցները ուղղված էին մեր ընտրած ուղու փոփոխությանը, բայց դրանք չաշխատեցին», – վստահեցրել է պետության ղեկավարը:
Զուրաբիշվիլին ցույց էր տվել իր հակառուսական դիրքորոշումը դեռևս Վրաստանում հունիսյան իրադարձությունների ժամանակ, երբ սկսվեցին բողոքի ակցիաները Սերգեյ Գավրիլովի հետ կապված միջադեպից հետո: