Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը պայմանավորվել են կարգավորել իրավիճակը սիրիական Իդլիբ նահանգում, հայտնում է Al Jazeera-ն:
Նշվում է, որ չնայած առաջնորդների հաշտվողական ձևակերպումներին, սիրիական իրավիճակի հետ կապված փոխզիջման մասին քիչ մանրամասներ են հայտնի: Համատեղ մամուլի ասուլիսում նրանք խոսել են տարածաշրջանում համատեղ աշխատանքի մասին: Ըստ թուրք քաղաքագետ Ալի Բեյքերի, Սիրիայում նշանակալի առաջխաղացման նշաններ չկան: Նա նշել է, որ ռուսական կողմը ըմբռնում է ցուցաբերել ազգային անվտանգության սպառնալիքների նկատմամբ Թուրքիայի զգայունության հանդեպ, բայց դա չի նշանակում, որ դա կազդի Սիրիայի նախագահ Բաշար Ասադի վրա:
Բրիտանացի վերլուծաբան Քամալ Ալամը հայտարարել է, որ Էրդողանի այցը Ռուսաստան ուղղակիորեն կապված չէր Իդլիբի ճգնաժամի հետ: Նա նշել է, որ Սիրիայում թուրքական կողմը հայտնվել է փակուղում ինչպես ռազմական, այնպես էլ դիվանագիտական առումով: Թուրք փորձագետ Նիհաթ Ալի Օզջանը համաձայնել է, որ Թուրքիան ստիպված կլինի Ասադի հետ բանակցություններ վարել: Ինչ վերաբերում է ամերիկյանի փոխարեն ռուսական կործանիչներ ձեռք բերելուն, ապա Անկարան այս տարբերակը կքննարկի միայն F-35-ի ծրագրից դուրս մնալու դեպքում: