Facebook ընկերությունը խստացրել է քաղաքական գովազդի զետեղման կանոններն իր սոցիալական ցանցերի ամերիկյան սեգմենտում՝ 2020 թվականի նոյեմբերին ԱՄՆ-ում կայանալիք նախագահական ընտությունների նախապատրաստման շրջանակներում: Այդ մասին հաղորդվում է ընկերության կայքում:
«Այսօր մենք տրամադրում ենք ընտրությունների պաշտպանության և 2020 թվականի ամերիկյան ընտրությունների նախապատրաստման լրացուցիչ միջոցներ: Այդ միջոցների թվում են՝ իրավազորման գործընթացի խստացումն ԱՄՆ-ից գովազդատուների համար, ավելի մանրամասն տեղեկատվության ցուցադրումը յուրաքանչյուր գովազդատուի վերաբերյալ և ԱՄՆ-ում «սոցիալական հարցերի» ցուցակի նորացումը՝ Facebook-ի ներսում և դրա սահմաններից դուրս՝ հասարակական քննարկումների ավելի լավ արտացոլման համար»,- նշվում է ընկերության կայքում:
Նոր կանոնների համաձայն՝ սեպտեմբերի կեսերից այն գովազդատուները, որոնք ցանկանում են Facebook-ում և Instagram-ում քաղաքական բնույթի գովազդ զետեղել, պետք է ընկերությանը լրացուցիչ տեղեկատվություն տրամադրեն ընկերության պատվիրատուի մասին: Եթե մինչև հոկտեմբերի կեսերը այդ տվյալները չտրվեն Facebook-ին, նրանց գովազդի հեռարձակումը կդադարեցվի, հաղորդել է «ՌԻԱ Նովոստին»: