Ֆրանսիացի դերասան և գինեգործ Ժերար Դեպարդիեն մտադրություն է հայտնել ապրել Բելառուսում՝ գյուղական միջավայրում: Ինչպես հայտնում է TUT.by-ն, այժմ դերասանը հողատարածք է ստացել Լապորովիչի գյուղում:
Դեպարդիեն իրեն համարում է աշխարհի քաղաքացի: 2012-ին նա հրաժարվել է Ֆրանսիայի քաղաքացիությունից, իսկ 2013-ին ստացել Ռուսաստանի քաղաքացիություն:
Բելառուսում նա եղել է երկու անգամ: 2015-ի հուլիսին, Լուկաշենկոյի հրավերով, նա այցելել է Օստրոշիցկի քաղաք: Այդ ժամանակ Բելառուսի ղեկավարը Դեպարդիեին սովորեցրել է խոտ հնձել:
2017-ի նոյեմբերին դերասանն այցելել է Մինսկի խաղողի գինու գործարան: Նա գիշերել է Լապորովիչի գյուղում և նույնիսկ ցանկացել է հանդիպել Պապեռնյանսկի գյուղական խորհրդի ղեկավարության հետ՝ ինչ որ հարց քննարկելու համար, այդ ժամանակ գրել է «Կոմսոմոլկան»:
2018-ի գարնանը, բելառուսական արտադրողի հետ միասին, նա խմիչքի նոր ապրանքանիշ ստեղծել: Ճիշտ է, այն չի վաճառվում բելառուսական խանութներում:
Le Figaro TV Magazine-ին տված հարցազրույցում դերասանն ասել է, որ դեմ չէ Բելառուսում բնակվելուն: