Friday, 29 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Ամուլյուստրացիա և քաղաքական ֆիլտրացիա

Ակնառու է, որ Ամուլսարի հարցը մի շարք քաղաքական ուժերի համար դարձել է քաղաքական միավոր հավաքելու հնարավորություն կամ առիթ: Այստեղ իհարկե, ողբերգություն, մեծ հաշվով, չկա: Այդպիսին է քաղաքականության էությունը՝ քաղաքական նպատակների համար բաց չթողնել որևէ առիթ: Ի վերջո, դա դեռ չի նշանակում, որ առիթն օգտագործող ուժերը ամենևին չեն մտածում Ամուլսարի խնդրի բուն էության մասին: Կարող են թե՛ այդ մասին մտածել և մտահոգվել, թե՛ զուգահեռ փորձել առիթն օգտագործել իրենց քաղաքական հեռանկարի շուրջ մտածելու համար:

Քաղաքականության էությունն է այդպիսին բոլոր երկրներում, պարզապես կան տարբերություններ այդ էության որակական հատկանիշների առումով, որոնք կախված են արդեն թե՛ քաղաքական համակարգի, թե՛ հանրության հասունության ու կայացածության աստիճանից: Ահա այդ առումով կա մի առանձնահատկություն: Ամուլսարի առիթը քաղաքական միավորի համար են փորձում օգտագործել ուժեր, որոնք Ամուլսարի թեմայի տարիների ծավալման ընթացքում այն բացարձակապես չեն դիտարկել իրենց առնվազն հրապարակային օրակարգի մաս, չեն խոսել բնապահպանական խնդիրների մասին, հանրային կարծիքի մասին, իրենց տրամադրության տակ եղած տեղեկատվական ռեսուրսով չեն լուսաբանել Ամուլսարի համար բնապահպանական պայքարը: Եվ հիմա հանկարծ հայտնվել են այդ պայքարի մասնակիցների շարքում և հայտարարում են ժողովրդի կողքին լինելու մասին:

Սա, խոշոր հաշվով, անհարգալից վերաբերմունք է նույն ժողովրդի նկատմամբ, առնվազն այնքան ժամանակ, քանի դեռ այդ ուժերը չեն խոստովանել, որ սխալվել են՝ երբ լռել են Ամուլսարի հանքի շահագործման իրավունքի հարցը լուծելիս, մի քանի տարի առաջ: Լռել են թե՛ խորհրդարանական երկրորդ ուժ եղած ԲՀԿ-ն, թե՛ ՀՀԿ-ի հետ կոալիցիա կազմած ՀՅԴ-ն, որն այդ շրջանում ուներ անգամ բնապահպանության նախարարի պորտֆել: Վերաբերմունքն անհարգալից է այն առումով, որ հանրությունը դիտարկվում է քաղաքականապես և քաղաքացիականապես անմեղսունակ, որը ունակ չէ հարց տալու այդ ուժերին, թե ինչու են Ամուլսարի մասին հիշել հիմա: Հարց գուցե ոչ ոք չի էլ տա, որովհետև կհամարեն պարզապես ավելորդ, այն պարզ պատճառով, որ հանրությանն այդ հարցի պատասխան չի էլ հետաքրքրում՝ թե ինչ կասեն այդ ուժերը:

Նրանք չունեն այլ ասելիք, որը կարող է պարունակել տրամաբանական բացատրություն՝ բացի հանրության առաջ խոստովանելուց, որ սխալվել են: Թեև խնդիրը ծավալվել է տարիներ շարունակ, և անգամ սխալը հասկանալու համար նրանք ունեին բավարար ժամանակ՝ մինչև հեղափոխությունը: Ավելին, նույնիսկ հեղափոխությունից հետո մեկ տարի այդ ուժերի համար չկար խնդիր, ու առաջացավ հանկարծ այժմ, երբ այն եկել է հանգուցալուծման փուլ: Այս ամենը կարևոր է մի պատճառով՝ անկախ Ամուլսարի շուրջ իրավիճակի հանգուցալուծումից, այն դարձել է նոր քաղաքական շրջափուլի մեկնակետ:

Հայաստանը դեռ պետք է անցնի այդպիսի շատ շրջափուլերով՝ քաղաքական արդիականացման ճանապարհին: Ու այստեղ շատ կարևոր է, որ դրանց ընթացքում տեղի ունենա քաղաքական ֆիլտրացիա, ինչն առաջին հերթին պետք է նշանակի ոչ թե անունների, այլ որակների զտում: Երբ առկա է հին որակներով նոր իրավիճակում քաղաքական դիրքավորման միտում, իսկ տվյալ պարագան դրա օրինակներից է՝ ոչ միակը, բայց ակնառու օրինակներից մեկը, ապա դրա արդյունքը կլինի ոչ թե նոր համակարգը, այլ հին համակարգի վերարտադրությունը քաղաքական նոր փաթեթավորումների ներքո: Ներկայիս մեկնակետային շրջանում լուծվում են շատ խորքային հարցեր՝ Ամուլսարի զուտ ճակատագրից բացի: Ըստ այդմ կարևոր է, որպեսզի մյուս հարցերի առումով էլ հանրությունը ստանա ապագայի համար արդիականացման ներուժ պարունակող լուծումներ կամ գա այդպիսի եզրահանգումների: Ընդ որում, դա ապահովում է նաև կոնկրետ խնդրի առումով հանրային շահի արդյունավետ սպասարկում այն տեսանկյունից, որ առավելագույնս նվազեցնում է հարցը քաղաքական շահադիտական մանիպուլյացիաների և նենգափոխումների ենթարկելու հնարավորությունը: Քաղաքական ուժերը կարող են քաղաքական շահ հետապնդել իրենց ներգրավումով, սակայն նրանք պետք է լինեն իրենց դիրքորոշումների և ամեն արտաբերված բառի համար քաղաքական բացարձակ պատասխանատվության ներքո: Հայաստանի վրա թանկ է նստել ոչ միայն քառորդդարյա ապօրինությունը, իշխանության և հանրային ռեսուրսի յուրացումն ու կոռուպցիան, այլ նաև անպատասխանատու քաղաքականությունը:

Լուսանկարը՝ panorama.am-ի

Բաժիններ
Ուղիղ
Լրահոս
Որոնում