Իրանի նախագահ Հասան Ռուհանին այցով Բիարից է ժամանել G7-ի գագաթնաժողովի ընթացքում, նրան հրավիրել են ոչ կառավարական կազմակերպությունները (ՈԿԿ): Այդ մասին, ինչպես տեղեկացնում է TASS-ը, հայտարարել է Ֆրանսիայի նախագահ Էմանուել Մակրոնը՝ ելույթ ունենալով մամուլի ասուլիսում:
«Ինչ վերաբերում է նախագահ Ռուհանիին, նա Ֆրանսիայում Է եղել ոչ թե G7-ը նախագահող երկրի, այլ ՈԿԿ-ների հրավերով»,-ասել է Ֆրանսիայի նախագահը:
Մակրոնը հավելել է, որ Ռուհանիի հետ անձամբ չի հանդիպել, «բայց եթե նա ցանկանա, ինքը պատրաստ կլինի դա անել»:
Օգոստոսի 25-ին ավելի վաղ Բիարիցում G7-ի գագաթնաժողով էր ժամանել Իրանի արտաքին գործերի նախարար Մոհամանդ Ջավադ Զարիֆը, որի այցը պլանավորված էր գագաթնաժողովի պաշտոնական ծրագրով։
Բիարիցում նախարարի կոնսուլտացիաները տևել են 3,5 ժամ, ընդ որում կես ժամ Զարիֆը զրուցել է Ֆրանսիայի նախագահ Էմանուել Մակրոնի հետ, իսկ մնացած ժամանակը՝ ֆրանսիացի բանակցողների խմբի հետ, որը գլավորում էր արտաքին գործերի նախարար Ժան Իվ լը Դրիանը:
Ելիսեյան պալատի ներկայացուցիչը գոհունակություն է հայտնել արդյունքներից: «Զարիֆի հետ քննարկումները դրական էին և կշարունակվեն»,- հավաստիացրել է նա: Միաժամանակ ֆրանսիական կողմը ճշտել է, որ Իրանի արտաքին գործերի նախարարության ղեկավարին հրավերն «ուղարկվել է Միացյալ Նահանգների հետ ձեռք բերված համաձայնությամբ»:
Իրանի ԱԳ նախարարը նշել է, որ «առաջիկայում «բարդ աշխատանք է սպասվում» Իրանի շուրջը իրադրության կարգավորման վերաբերյալ, սակայն «արժե փորձել անցնել այդ ուղին»:
Իրանի նախագահ Հասան Ռուհանին, մեկնաբանելով Զարիֆի բլից-այցը Բիարից, հանդես է եկել հաջակցություն բանակցային գործընթացի: «Եթե ես իմանայի, որ իմ այս կամ այն հանդիպումը կբերի ժողովրդի խնդիրների լուծմանը, ես չէի տատանվի,-ասել է Ռուհանին՝ ելույթ ունենալով ազգային հեռուստատեսությամբ:-Ես կարծում եմ, որ հանուն մեր ազգային շահերի մենք պետք է օգտագործենք բոլոր միջոցները»:
