Ամուլսարի հանքի շահագործման դեմ պայքարող բնապահպանների և Գնդեվազի բնակիչների միջև ծեծկռտուք է տեղի ունեցել:
Ինչպես Aysor.am-ի թղթակցին տեղեկացրեցին ոստիկանությունից, օգոստոսի 25-ին՝ ժամը 00։55-ին, հաղորդում է ստացվել, որ օգոստոսի 24-ին Վայքի բժշկական կենտրոն բուժօգնության է դիմել Գնդեվազ համայնքի 2 բնակիչ։
Մեկնած խումբը պարզել է, որ նույն օրը՝ ժամը 22։30-ին, Գնդեվազ գյուղում տեղի ունեցած վիճաբանության ընթացքում նշված անձինք մարմնական վնասվածքներ են ստացել։
Փաստի առթիվ հարուցվել է քրեական գործ։ Այս պահին կա մեկ ձերբակալված։
