Թուրքիայի պաշտպանության նախարար Հուլուսի Աքարը հայտարարել է «Triumph» զենիթահրթիռային համակարգերի շարունակական մատակարարման մասին:
«Վաղվանից (երեքշաբթի) կսկսվի C-400-ի երկրորդ մարտկոցի առաքումն ու տեղափոխումը»,- նրա խոսքերը մեջբերում է Anadolu գործակալությունը:
Գործարքը կնքվել է 2017 թ.-ին. Ռուսաստանը Թուրքիա կառաքի չորս դիիվիզիոն՝ երկուուկես միլիարդ դոլարով: Այս գումարի մի մասը Թուրքիան ինքը կվճարի, իսկ մնացածը՝ ռուսական վարկի հաշվին:
C-400 Triumph-ը ժամանակակից հեռահար զենիթահրթիռային համակարգ է, որը նախատեսված է ավիացիայի, թևավոր և բալիստիկ հրթիռների, այդ թվում՝ միջին ռադիուսի գործողության, ինչպես նաև ցամաքային թիրախների ոչնչացման համար: Գործողության հեռահարությունը հասնում է 400 կիլոմետրի, այն կարող է մինչև 30 կիլոմետր բարձրության վրա թիրախներ ոչնչացնել:
Թուրքիան դարձել է երրորդ (Բելառուսից և Չինաստանից հետո) երկիրը, ուր Մոսկվան «Triumph» է մատակարարում: Շուտով նրանց կմիանա նաև Հնդկաստանը: