Բիարիցում անցկացվող G7 գագաթնաժողովում բանակցություններ են տեղի ունեցել Ֆրանսիայի նախագահ Էմանուել Մակրոնի և Իրանի արտգործնախարար Ջավադ Զարիֆի միջև: Այս մասին իր Twitter-ում գրել է Իրանի արտաքին գործերի նախարարության ղեկավարը:
Զարիֆը հայտնում է, որ Ֆրանսիայի ղեկավարի հետ զրույցը տեղի է ունեցել Ֆրանսիայի արտգործնախարար Ժան-Իվ Լե Դրիանի և էկոնոմիկայի և ֆինանսների նախարարի հետ ծավալուն բանակցություններից հետո:
Իրանցի դիվանագետի խոսքերով, երկրների միջև հետագա բանակցությունները կարևոր են:
Միևնույն ժամանակ, Զարիֆը նշում է, որ առաջիկա ուղին հեշտ չի լինելու:
«Արժե փորձել դրանով անցնել»,- շեշտել է Զարիֆը:
Ավելի վաղ հաղորդվել էր, որ ֆրանսիական կողմը Զարիֆին հրավիրել է G7 գագաթնաժողով, որպեսզի փորձի մեղմել այս պետության միջուկային ծրագրի հետ կապված լարվածությունը: