Աբխազիայի յոթերորդ նախագահական ընտրություններում հանրապետության և Ռուսաստանի ընտրատեղամասերում քվեարկությունն ավարտվել է կիրակի, Մոսկվայի ժամանակով 20:00-ին: Ընտրատեղամասերը փակվում են, սկսվում է ձայների հաշվարկը:
Ինչպես ճեպազրույցի ընթացքում հաղորդել է Կենտրոնական ընտրական հանձնաժողովի նախագահ Թամազ Գոգիան, ընտրության արդյունքների վրա ազդող խախտումներ չեն արձանագրվել: Խախտում է հայտնաբերվել Չերկեսքում, երբ մեկ անձ քվեարկել է հին աբխազական անձնագրով: «Այս փաստը ֆիքված է և արտացոլված արձանագրության մեջ», – պարզաբանել է նա:
Նրա խոսքերով, բողոքները հիմնականում կազմակերպչական բնույթի են եղել: Լուրջ խախտումների բացակայության մասին տեղեկատվությունը հաստատվում է նաև միջազգային դիտորդների կողմից: Օրվա ընթացքում խախտումների վերաբերյալ թեկնածուներից որևէ բողոք չի եղել:
Մասնակցությունը 18:00-ին կազմել է 48.48 %, մինչդեռ 2014-ի նախագահական ընտրությունների ժամանակ նույն ժամին քվեարկել էր ընտրողների 55.84 %-ը: Որպեսզի ընտրությունները կայացած ճանաչվեն, պետք է քվերակի 125 հազար ընտրողների առնվազն 50 %-ը (ընդհանուր առմամբ, հանրապետությունում ապրում է շուրջ 243 հազար մարդ): Մասնակցության վերջնական տվյալները, երբ ամբողջությամբ պարզ կդառնա ընտրությունները կայացել են, թե ոչ, պաշտոնապես կհայտարարվեն Մոսկվայի ժամանակով 20:30-ին: