Թուրքիայի Էդիրնե նահանգի Ուզունքյոփրու շրջանի Էսքիքյոյ գյուղում 54-րդ մեխանիզացված բրիգադի հրամանատարության ենթակայության տակ գտնվող թուրք սահմանապահները ձերբակալել են 92 անօրինական միգրանտների՝ Ալժիրից, Մարոկոյից, Պաղեստինից, Իրաքից, Իրանից, Նեպալից և Եգիպտոսից:
Թուրքական Anadolu Ajansı լրատվական գործակալության փոխանցմամբ, պարզվել է, որ Հունաստան ժամանելուց հետո միգրանտներին բռնի կերպով հետ են ուղարկվել Թուրքիա: Սանիտարական հսկողություն անցնելուց հետո ձերբակալվածներին հանձնել են տեղի միգրացիայի հարցերով գրասենյակ:
Թուրքական անվտանգության ուժերից աղբյուրները հայտնել են, որ հույն սահմանապահները, հակառակ Ժնևյան համաձայնագրի, Մարդու իրավունքների եվրոպական կոնվենցիայի և խոշտանգումների արգելման մասին ՄԱԿ-ի կոնվենցիայի դրույթների, հարկադիր կերպով անօրինական միգրանտներին Մերիցա գետի վրայով հետ են ուղարկում դեպի Թուրքիայի տարածք: