ԱՄՆ նախագահ Դոնալդ Թրամփը հայտարարել է, որ իր ռուս գործընկեր Վլադիմիր Պուտինը «հաստատ» հրավիրվելու է G7- ի հաջորդ գագաթնաժողովին: Այդ մասին կիրակի՝ օգոստոսի 25-ին, գրում է Bloomberg-ը:
Սակայն Թրամփը նշել է, որ ինքը չգիտի՝ Ռուսաստանը կվերադառնա՞ արդյոք ձևաչափին: Միևնույն ժամանակ, նա հաստատեց, որ G7-ի երկրների ղեկավարները քննարկում են երկրի հնարավոր վերադարձը ակումբ:
Օգոստոսի 20-ին ԱՄՆ նախագահ Դոնալդ Թրամփը նպատակահարմար համարեց Ռուսաստանի վերադարձը G8, քանի որ քննարկվող թեմաներից շատերը վերաբերում են Մոսկվային: 2020-ին գագաթնաժողովին Ռուսաստանի Դաշնության հրավերին կողմ է հանդես եկել նաև Ֆրանսիայի նախագահ Էմանուել Մակրոնը։ Միևնույն ժամանակ, նա և յոթնյակի այլ ղեկավարներ ասացին, որ Ռուսաստանի վերադարձը հնարավոր է միայն Ուկրաինայում իրավիճակի կարգավորումից հետո:
ԱՄՆ-ում նրանք բարձրաձայնեցին նաև G8 ձևաչափի վերսկսման պայմանը՝ նշելով, որ դրա համար նախ անհրաժեշտ է Ռուսաստանի հետաքրքրվածությունը:
Ի պատասխան՝ Կրեմլը հայտարարել է, որ Ռուսաստանը չի ձգտում G8-ին և այդ երկրների հետ համագործակցում է այլ հարթակներում։
