Կալիֆոռնիայի 31-ամյա բնակչուհի Տաթևը, որը 17 տարի առաջ ԱՄՆ էր տեղափոխվել Հայաստանից, ԱՄՆ քաղաքացիություն է ստացել անսովոր ձևով:
Աղջիկն իր երկրորդ երեխայի ծննդյանը սպասում էր հաջորդ շաբաթ, բայց նրա ծննդաբերական ցավերը սկսվել են հենց Լոս Անջելեսի քաղաքացիության տրամադրման կենտրոնի շենքում, որտեղ այդ ժամանակ երդում էին տալիս 3200 միգրանտներ:
«Նա հրաժարվեց հեռանալ, քանի դեռ չէր երդվել որպես ԱՄՆ քաղաքացի»,- ԱՄՆ շրջանային դատավոր Քորմակ Քարնիի խոսքերը մեջբերում է Reuters-ը:
Այն բանից հետո, երբ աղջիկը տուն է վերադարձել, ծննդաբերության ցավերը դադարել են: Աղջիկը խոստովանել է, որ որոշել է արագացնել ԱՄՆ քաղաքացիություն ստանալու գործընթացը՝ նախագահ Դոնալդ Թրամփի վերջին հայտարարությունների պատճառով, ըստ որոնց, ԱՄՆ-ում երեխա ունենալու փաստը այլևս չի կարող հիմք հանդիսանալ քաղաքացիության տրամադրման համար:
RUSARMINFO-ն ավելի վաղ հաղորդել էր, որ հայտնի ամերիկացի միլիոնատեր Դեն Բիլզերյանը և նրա եղբայր Ադամը Հայաստանի քաղաքացի են դարձել:
