Մոդել Քեթի Ուիլյամսը Facebook- ում հրապարակված մի քանի գրառումների պատճառով, կորցրել է «Միսս Նևադա» տիտղոսը և «Միսս Ամերիկա» մրցույթին մասնակցելու հնարավորությունը:
Ինչպես հայտնում է The Hill-ը, նա նահանգի հաղթողի համար հատուկ նախատեսված էջում մի քանի գրառում է տեղադրել, որոնք մրցույթի ղեկավարության կողմից անընդունելի ե համարվել:
Աղջիկը ակամա խոսել է՝ ի աջակցություն ԱՄՆ նախագահ Դոնալդ Թրամփի: Նա նաև տեղադրել է իր մի թվիթի սքրինշոթը, որում հակաֆաշիստական շարժման մասնակիցներին ահաբեկիչներ է կոչում: 29-ամյա գեղեցկուհին նաև հրապարակայնորեն դատապարտել է ֆեմինիզմը:
Մրցույթի կազմակերպիչները ասել են, որ մասնակիցները չպետք է հրապարակավ արտահայտեն իրենց քաղաքական համոզմունքները: Քեթին պատասխան տեսաուղերձ է հրապարակել:
«Ես չեմ հասկանում, թե ինչպես կարելի է մարդուն գրաքննության ենթարկել՝ պահպանողական համոզմունքների պատճառով: Եթե ես լինեի ավելի լիբերալ, խնդիր չէր լինի», – ասել է Ուիլյամսը:
