Deutsche Bank-ը համաձայնել է 16․2 մլն դոլար վճարել՝ արտասահմանում կոռուպցիայի մասին օրենքը խախտելուց հետո։ Այս մասին ասվում է ԱՄՆ-ի արժեթղթերի և բորսաների դաշնային հանձնաժողովի (SEC) հայտարարությունում, փոխանցում է ՏԱՍՍ-ը։
SEC-ի տարբերակով՝ առնվազն 2006-2014-ին բանկը վարձել է պաշտոնատար անձանց հարազատներին՝ Ասիական-Խաղաղօվկիանոսյան տարածաշրջանից, ինչպես նաև Ռուսաստանից՝ «անպատշաճ ազդեցություն» տարածելու նպատակով։
Հանձնաժողովն ընդգծել է, որ բանկը համաձայնել է կարգավորել գործը առանց խախտումը խոստովանելու կամ հերքելու։