Մեծ Բրիտանիայի վարչապետ Բորիս Ջոնսոնը, Ելիսեյան պալատում Ֆրանսիայի նախագահ Էմանուել Մակրոնի հետ հանդիպման ժամանակ, ոտքը դրել է սեղանին: Համապատասխան լուսանկարը հայտնվել է լրատվամիջոցներում:
Բանակցությունների ժամանակ Ջոնսոնը հայտարարել է, որ ցանկանում է Եվրամիության հետ Brexit-ի վերաբերյալ նոր համաձայնագիր կնքել, ինչին ի պատասխան Մակրոնն ասել է, որ վերանայված համաձայնագիրը չի կարող հեռանալ նախկինում համաձայնեցված պայմաններից, որոնք մերժվել են բրիտանական խորհրդարանի կողմից: Այդ մասին հայտնում է Ամերիկայի Ձայնը:
«Ես ուզում եմ բացարձակ հստակ ասել, որ ես ուզում եմ պայմանագիր կնքել,- ասել է Ջոնսոնը:- Կարծում եմ, որ մենք կարող ենք պայմանագիր կնքել, և լավ պայմանագիր»:
Մակրոնը պատասխանել է. «Մենք պետք է հարգենք արդեն իսկ համաձայնեցված պայմանները»:
Ջոնսոնի խոսքերով, նրան շատ է ոգեշնչել Գերմանիայի կանցլեր Անգելա Մերկելի հետ երեկվա զրույցը:
Մեծ Բրիտանիայի վարչապետը կարծում է, որ եթե կողմերը գործեն «ակտիվ և ստեղծագործ մոտեցում ցուցաբերեն», ապա մինչև հոկտեմբերի 31-ը կհասցնեն նոր համաձայնագիր կնքել:
Հաղորդվում է, որ Ջոնսոնը հավաստիացրել է Մակրոնին, որ Մեծ Բրիտանիան ոչ մի դեպքում չի վերականգնի Միացյալ Թագավորության մաս կազմող և ԵՄ-ի կազմում գտնվող Իռլանդիայի և Հյուսիսային Իռլանդիայի հետ կոշտ սահմանը:
Նրա խոսքերով, սահմանային խնդիրները լուծելու համար կան պատրաստի տեխնիկական լուծումներ: