Lionsgate Movies-ը ցուցադրել Է Bombshell ֆիլմի առաջին թիզերը, որտեղ գլխավոր դերերը կատարել են Շառլիզ Թերոնը, Մարգո Ռոբին եւ Նիկոլ Քիդմանը: Հոլովակը հրապարակված Է ստուդիայի YouTube-ալիքում:
Կինոնկարը պատմում Է Fox News հեռուստաալիքի հիմնադիր եւ գլխավոր տնօրեն Ռոջեր Էյլսի սեռական ոտնձգությունների հետ կապված մեղադրանքների շուրջ ծագած սկանդալի մասին: Նրան մարմնավորել Է Ջոն Լիթգոուն: Շառլիզ Թերոնին բաժին Է հասել հաղորդավարուհի Մեգին Քելիի, իսկ Քիդմանին՝ Գրեթչին Կառլսոնի դերը: Մարգո Ռոբին խաղացել Է մտացածին հերոսուհու՝ գործադիր պրոդյուսեր Քայլա Փոսփայսիլի դերը: Պլանավորվում Է, որ կինոնկարը ԱՄՆ-ի վարձույթ կմտնի դեկտեմբերին:
Էյլսը Fox News-ը հիմնադրել Է 1996 թվականին եւ այն անփոփոխ գլխավորել մինչեւ 2016 թվականի հուլիսը: Նա պաշտոնից հեռացել Է սկանդալի ֆոնին: Գրեթչեն Կառլսոնն առաջիններից մեկն Էր, որն Էյլսին հրապարակավ մեղադրեց սեռական ոտնձգությունների մեջ եւ նրա դեմ դատական հայց ներկայացրեց: Ինչպես հայտնել Է Vanity Fair հանդեսը, Կառլսոնին 20 մլն դոլար Է առաջարկվել հայցը հետ վերցնելու դիմաց: ԶԼՄ-ների տվյալներով՝ ընդամենն Էյլսին ոտնձգությունների մեջ մեղադրել են տասից ավելի կանայք, հաղորդել Է ՏԱՍՍ-ը:
