Ամերիկյան «Ինտեր Մայամի» ակումբը, որի համասեփականատերը Անգլիայի հավաքականի նախկին ֆուտբոլիստ Դեվիդ Բեքհեմն է, կարող է տուգանվել 50 միլիոն եվրոյով տոքսիկ հողի վրա մարզադաշտ կառուցելու համար, հայտնում է The Sun-ը:
Պարբերականի հրապարակման համաձայն, նախկինում շինարարության վայրում աղբի այրման գործարան է եղել, որտեղ տեղափոխվել է ամբողջ քաղաքի աղբը: Վերլուծությունը ցույց է տվել, որ հողի 15 սանտիմետրանոց շերտի տակ թափոնների մնացորդներ կան:
Հաղորդվել է նաև, որ մարզադաշտի շինհրապարակում մկնդեղով աղտոտվածության մակարդակը նորմը գերազանցում է ավելի քան երկու անգամ:
Ավելի վաղ հաղորդվել էր, որ «Բարսելոնայի» հարձակվող Լուիս Սուարեսը ցանկանում է ավարտել կարիերան Բեքհեմի ակումբում:
