Երկու մարդ փրկվել է այն բանից հետո, երբ նրանց պատկանող ինքնաթիռը շարժիչի խափանման պատճառով ընկել է Խաղաղ օվկիանոս: Զարմանալի փրկության մասին տեսանյութը նրանց ընկերը հրապարակել է YouTube-ում:
Միջադեպը տեղի է ունեցել Հյուսիսային Կալիֆոռնիայի ափի մոտ: Ինքնաթիռում գտնվում էին օդաչուն՝ Դեվիդ Լեշը, և նրա ընկերուհին՝ Քայլան:
«Ես կարծում եմ, որ դա (ընկնելը) տևել Է մեկ կամ երկու րոպեից ոչ ավելի: Հնարավոր է՝ մինչև ջուրն ընկնելը ես հասցրեցի հասկանալ, որ ինչ-որ բան այն չէ»,- լրագրողներին ասել է Լեշը: Ինչպես ավելի ուշ պատմել է Լեշը, ինքը և իր ընկերները պատրաստվում էին թռչել Սան-Ֆրանցիսկոյի ծոցի վրայով, սակայն վերթիռի ժամանակ իր օդանավի շարժիչը խափանվել է:
Հոլովակում, որը հրապարակել է օդաչուի ընկերը, երևում Է, թե ինչպես են Դեվիդը և Քայլան բարձրացել խորտակվող ինքնաթիռի թևի վրա՝ սպասելով առափնյա պահպանության փրկարարներին, հաղորդել է Life-ը: