Հանրային ֆինանսների կառավարման փորձագետ Հովհաննես Ավետիսյանը ֆեյսբուքյան իր էջում գրել է․
Տարբեր եղանակներով փորձում եմ ստանալ Hayk Gevorgyan-ի հայտարարած 700 միլիոն դոլարը, բայց ապարդյուն: Ընդ որում իր զրույցում Հայկը ասում է, որ սա դեռ չի ներառում բաց թողնված հնարավոր շահույթները:
Մի հաշվարկի եղանակ ներկայացնեմ:
Վերջին գնահատումներով (տես նկարը) Lydian International-ի Enterprise Value-ն հավասար է 465.48 կանադական դոլարի: Սա ԱՄՆ դոլարով հավասար է 349.1 միլիոնի:
Ուրեմն, Enterprise Value-ն այս պահի շուկայական գնով Լիդիանի արժեթղթերի հանրագումարն է, գումարած եղած բոլոր պարտքերը ու հանած կանխիկը:
Օրինակ, եթե մենք որոշենք գնել Լիդիանի բոլոր բաժնետոմսերը և հետո մարենք նրա բոլոր առկա պարտքերը և ոչ ոքի այլևս պարտք չլինենք, այս պահի դրությամբ, դա մեր վրա կնստի մոտավոր 350 միլիոն ԱՄՆ դոլար (վերևի թիվը):
Ասենք մի 50 միլիոն էլ վրան ավելացրեք, կդառնա 400: Բա լավ, էտ անտեր 700 միլիոնը ո՞նց եք ստանում:
Եթե ես հաշվելուց լավ չեմ, սխալ եմ հաշվում, կլինի՞ հրապարակեք ձեր հաշվարկները: Թե՞, սա էլ եկամտային հարկի համահարթեցման նման եք հիմնավորում, այսինքն օդից ու երևակայական:
Եթե չկա նման հաշվարկ ու դուք ապատեղեկատվություն եք տարածում և ի սկզբանե մարդկանց վախեցնում, ապա հարց է առաջանում ձեզնով ԱԱԾ-ն պիտի զբաղվի՞, թե` ոչ: Դե հաշվի առնելով այն հանգամանքը, որ ԱԱԾ-ն այս թեմայով սկսել է զբաղվել և որոշ մարդկանց իրենց հայտարարությունների համար հրավիրել է զրույցի:
Ի դեպ, երեկ Լիդիանը հայտարարություն է տարածել, որի արդյունքում նրա բաժնետոմսերի գները սկսել են բարձրանալ: Դրանում ասվում է, որ ՆՓ-ն հայտարարել է, թե իրենց ունեցած տեղեկատվությունը շատ հստակ է, և հանքի շահագործումը չի վնասելու շրջակա միջվայրը: Եվ ասվում է, որ ՆՓ-ն ասել է, թե թույլ են տալու Լիդիանին շարունակել Ամուլսարի ծրագիրը: Անգլերենը ներքևում:
Ես Նիկոլի լայվը չեմ նայել, բայց կասկածում եմ, որ նա նման ուղիղ տեքստով է հանդես եկել: Կուզեմ ասել, սա մանիպուլիացիայի է նման` ուղղված արդեն դրսի ներդրողներին մոլորեցնելուն: Հիմա ԱԱԾ-ն սրանով զբաղվելիք ունի՞, թե` ոչ:
Եվ վերջապես, ես երբևէ չեմ լսել որ երկրի վարչապետը միջամտի նման խնդրահարույց մասնավոր ըներության օգտին հայտարարություններ տարածելով և անհիմն արժեթղթերի շուկայական գների վրա ազդի: Ձեր չմտածված հայտարարությունները մանիպուլացնելով, ինչ-որ մարդիկ օդից հարստանում են: Ապրեք դուք:
հ.գ.
Լիդիանի հրապարակման անգլերեն տեքստը:
TORONTO, Aug. 19, 2019 (GLOBE NEWSWIRE) — Lydian International Limited (LYD.TO) (“Lydian” or the “Company”) announced today that during a live Facebook broadcast, Prime Minister Nikol Pashinyan, of the Republic of Armenia, stated that “The information we currently have at this moment is very clear, the exploitation of the mine does not harm the environment.” The Prime Minister went on to state that Lydian would be permitted to proceed with the Amulsar Project.
https://www.facebook.com/hovhan.avetisyan/posts/2931911076825582