«Ֆորսաժ»-ի և Պոլ Ուոքերի երկրպագուների համար սովորական էր դարձել ի դեմս Միդոու Ռեյնի տեսնել փոքրիկ աղջնակի, որը պարում է կամ նստած է իրենց կուռքի ձեռքերին: Բայց ժամանակ է անցել, փոքրիկը մեծացել է, և այժմ նրա մասին խոսում են ոչ միայն որպես հայտնի դերասանի դստեր՝ տեղեկացնում է Life-ը:
20-ամյա Միդոուն ԶԼՄ-ների ուշադրությունը գրավել է, երբ հիշարժան ամսաթվերի կապակցությամբ սկսեց Instagram-ում լուսանկարներ զետեղել իր հոր հետ միասին: Մինչ այդ աղջիկը հայտնվում էր «Ֆորսաժ» ֆիլմաշարի պրեմիերաներին և դերասանական կազմի հավաքույթներին, բայց տաբլոիդները նրանով ակտիվորեն չէին հետաքրքրվում՝ գրում է The Sun-ը:
Միդոուի մորից՝ Ռեբեկայից, դերասանը բաժանվել էր, բայց դստեր հետ շատ ջերմ հարաբերություններ էր պահպանում: Չնայած հոր դրական օրինակին՝ Միդոուն երբեք չի ցանկացել դերասանուհի դառնալ: Բայց մոդել՝ այլ բան է: Աննկարագրելի գրավչության շնորհիվ աղջիկն արագորեն հաջողության հասավ այդ ոլորտում և արդեն հասցրել է աշխատել մի քանի հայտնի լուսանկարիչների հետ:
Բայց հոր մասին էլ աղջիկը երբեք չէր մոռանում. լինելով դեռահաս՝ նա օգտվել է իրավաբանի օգնությունից և հիմնել Պոլ Ուոքերի անվան հիմնադրամը: Նրա հայրը միշտ ձգտել է օգնել մարդկանց և փրկել կենդանիներին. հենց դա պետք է աներ հիմնադրամը՝ շարունակել Միդոուի հոր գործը:
Պոլ Ուոքերը հոլիվուդյան հայտնի դերասան է և «Ֆորսաժ» ֆիլմաշարի աստղ: Նա և նրա ընկերը զոհվել են սարսափելի վթարից, երբ վերադառնում էին թայֆունից տուժածների օգնությանը նվիրված բարեգործական երեկույթից: Պոլի հիշատակին են նվիրել «Ֆորսաժ-7»-ը, և ֆրանշիզայի դերասանները կանոնավոր կերպով զետեղում են նրա հետ հին լուսանկարները՝ արտահայտելով իրենց սերը:
