Հիվանդությունների վերահսկման և կանխարգելման ամերիկյան կենտրոնը հետաքննում է թոքերի առեղծվածային հիվանդության 94 դեպք, որոնք կապված են էլեկտրոնային ծխախոտի հետ՝ ասվում է գործակալության պաշտոնական կայքում:
Նշվում է, որ դեպքերի մեկ երրորդը գրանցվել է Իլինոյսում, Կալիֆոռնիայում, Ինդիանայում, Մինեսոտայում, ինչպես նաև Վիսկոնսինում:
Ենթադրաբար, հիվանդությունը առաջանում է հենց էլեկտրոնային ծխախոտի օգտագործման հետևանքով:
Ախտանշանները ներառում են հազ, կրծքավանդակի ցավ, շնչարգելություն, ջերմություն, լուծ, քաշի կորուստ և մարսողական խանգարումներ: Առայժմ հիվանդությունը անբուժելի է համարվում, գոյություն ունի միայն օժանդակ թերապիա: