Սուդանի՝ կոռուպցիայի մեջ մեղադրվող նախկին նախագահ Օմար ալ-Բաշիրը կանգնել է դատարանի առջև: Այդ մասին հայտնում են BBC-ն:
Բաշիրը հեռացվել է 2019-ի ապրիլին՝ մի քանի ամիս տևած բողոքի ցույցերից հետո, որը վերջ դրեց նրա գրեթե 30-ամյա թագավորությանը: Հունիսի վերջին դատախազները հայտնեցին, որ նախկին նախագահի տան խուզարկության ընթացքում հացահատիկի տոպրակների մեջ հայտնաբերվել է մեծ քանակությամբ արտարժույթ:
Երկուշաբթի՝ օգոստոսի 19-ին, Բաշիրը ժամանել է առաջին դատական նիստին: Նախկին նախագահը շրջապատված էր տպավորիչ ռազմական ջոկատով:
Այսպիսով, Բաշիրին մեղադրանք է առաջադրվել «արտարժույթ պահելու, կոռուպցիայի և նվերների ապօրինի ստացման համար»:
Սուդանի ռազմական խորհրդի ղեկավար Աբդել Ֆաթահ ալ-Բուրհանի խոսքով՝ նախկին նախագահից բռնագանձվել է Սուդանի ֆունտով 113 միլիոն դոլար, ինչպես նաև արտարժույթ:
Նախկին նախագահը և նրա փաստաբանները մերժում են բոլոր մեղադրանքները: