Վարչապետ Նիկոլ Փաշինյանի՝ «Քաղաքացիական պայմանագիր» կուսակցության գրասենյակում «Իմ քայլը» խմբակցության պատգամավորների հետ փակ ձևաչափով տեղի ունեցած հանդիպումից հետո լրագրողներին չի հաջողվել խոսել վարչապետի հետ: Հարցերին պատասխանել է ԱԺ փոխնախագահ Ալեն Սիմոնյանը:
Նա խոստացել է՝ եթե բացահայտվի, որ հանքի շահագործմամբ թեկուզ չնչին վնաս է հասցվում շրջակա միջավայրին, հանքը չի շահագործվի: Սիմոնյանը նաև ընդգծել է, որ այս հարցում կառավարության վրա ճնշումներ չեն գործադրվում: