ԱՄՆ Կալիֆոռնիա նահանգի Մոնտերեյ քաղաքում McLaren F1 սպորտային մեքենան աճուրդում վաճառվել է ռեկորդային 19.8 միլիոն դոլարով, հայտնում է ՏԱՍՍ-ը՝ հղում անելով Sotheby’s աճուրդի տան մամուլի ծառայությանը երկուշաբթի, օգոստոսի 19-ին:
«Խոսքը 1994 թ.-ի այս մոդելի գոյություն ունեցող երկու ավտոմեքենաներից մեկի մասին է, որում արտադրողը մի շարք բարելավված տարրեր է տեղադրել: Ըստ Sotheby-ի մասնագետների, մեքենան գտնվում է գերազանց վիճակում, վազքը կազմում է մոտ 21.5 հազար կմ»,- ասվում է հաղորդագրությունում:
Չորս գնորդներ չորսուկես րոպե մասնակցել են առևտրին: Մեքենան բաժին է հասել ԱՄՆ-ից կոլեկցիոների, որի անունը չի նշվում:
Sotheby’s-ում շեշտում են, որ նախկինում McLaren-ի ոչ մի ավտոմեքենա աճուրդում երբևէ չի վաճառվել նման բարձր գնով: Լոտի գնահատված արժեքը տատանվել է 21-ից մինչև 23 միլիոն դոլարի:
Ամեն տարի բացառիկ և հազվագյուտ ավտոմեքենաների աճուրդ է անցկացվում Մոնտերեյում: Անցյալ տարի 1962 թ.-ի Ferrari 250 GTO մակնիշի ավտոմեքենան վաճառվել էր 48.4 միլիոն դոլարով:
