Կիևի Մարիինյան պալատում սկսվել է Ուկրաինայի նախագահ Վլադիմիր Զելենսկիի և Իսրայելի վարչապետ Բենյամին Նեթանյահուի հանդիպման պաշտոնական արարողությունը: Սա Իսրայելի գործող ղեկավարի առաջին այցն է Ուկրաինա վերջին 20 տարվա ընթացքում:
Կիև թռչելուց առաջ Նեթանյահուն ասել է, որ մտադիր է Զելենսկիի հետ քննարկել ազատ առևտրի գոտի ստեղծելու, ինչպես նաև երկու երկրների միջև կենսաթոշակային համաձայնագիր կնքելու հարցերը:
Բացի այդ, երկու պետությունների ղեկավարները կհարգեն «Բաբի Յար»-ի ողբերգության զոհերի հիշատակը:
Իսրայելի վարչապետի պաշտոնական այցը կտևի մինչև օգոստոսի 20-ը:
Բացի այդ, Նեթանյահուն կլինի առաջին համաշխարհային մասշտաբի առաջնորդը, որը Կիևում կհանդիպի Ուկրաինայի նորընտիր նախագահ Վլադիմիր Զելենսկիի հետ:
Միևնույն ժամանակ, Times of Israel պարբերականը գրում է, որ այս ուղևորության օգնությամբ Իսրայելի կառավարության ղեկավարը, իբր, ցանկանում է ստանալ Ուկրաինայից հայրենադարձների աջակցությունը Քնեսեթի ընտրությունների ժամանակ: «… 22-րդ Քնեսեթի ընտրություններից մոտ մեկ ամիս առաջ նա հույս ունի շահել ուկրաինական արմատներով ռուսախոս իսրայելցիների համակրանքը»:
Միևնույն ժամանակ, Նեթանյահուն բացատրել է, թե ինչպես կարող է Իսրայելը օգնել Ուկրաինայի և Ռուսաստանի հաշտեցման գործում:
Նա հավանական է համարում ՌԴ և Ուկրաինայի նախագահներների, Վլադիմիր Պուտինի և Վլադիմիր Զելենսկիի միջև որպես միջնորդ հանդես գալու հնարավորությունը: