«Առաջին լրատվական»-ի «Մամուլի հետ սուրճ» հաղորդման այսօրվա հյուրն է ԱԺ «Լուսավոր Հայաստան» խմբակցության պատգամավոր Հարություն Բաբայանը:
Մեր զրուցակիցը, խոսելով Ամուլսարի հանքի շահագործման և այսօր սպասվող ջերմուկցիների բողոքի ակցիայի՝ ավտոերթի մասին, նկատեց. «Իշխանությունը պետք է ականջալուր լինի և երկխոսություն ծավալի այս խնդրի շուրջ… Մանավանդ՝ իշխանությունը շատ զգայուն է իր ռեյտինգի նկատմամբ, իսկ հանքի շահագործումը կլինի հիասթափության առիթ»:
Ռուսաստանի Գլխավոր դատախազության կողմից Միհրան Պողոսյանին արտահանձնելու ՀՀ դատախազության միջնորդության մերժման վերաբերյալ Հարություն Բաբայանն ասաց. «Ինչո՞ւ ճանապարհը Միհրանի դեպքում չեն փակել, ինչո՞ւ է նա գնացել, հետո նոր հետախուզում հայտարարվել: Ես ենթադրում եմ, որ այդ միջանցքը բացել են նախկինների հետ կապված երկրորդ, երրորդ էշելոնի մարդիկ»:
Պատգամավորի խոսքով՝ Միհրան Պողոսյանին չարտահանձնելը դատարանները փակելու ակցիայի հետևանքն է. «Դու քո դեմ օգտագործելու խաղաքարտ ես տվել դիմացինին կամ օտար պետությանը»:
Մանրամասն՝ տեսանյութում: