Տղամարդն օգտվել է պահից, երբ ուղակցողները շեղել են ուշադրությունը և դադարել են հետևել նրան:
Համացանցում է հայտնվել «նարկոինտերնետի արքա» Ամոս Դով Սիլվերի Ուկրաինայի Անվտանգության ծառայության աշխատակիցներից փախուստի տեսանյութը: Ինչպես հստակեցվում է, հոլովակը ցույց է տալիս Կիևի Բորիսպոլ օդանավակայանում զննում անցնելու գործընթացը:
Դատելով կադրերից, կանեփի օրինականացման շարժման ակտիվիստը և մարիխուանայի տարածման միջազգային խոշորագույն առցանց-ցանցի հիմնադիրն անցնում է վերահսկման շրջանակը, այնուհետև օգտվում է այն հանգամանքից, որ օդանավակայանի տեսուչի և ՈՒԱԾ-ի աշխատակցի ուշադրությունն այլ բանի վրա է սևեռված:
Ամոս Դով Սիլվերը, առանց երկար մտածելու, գնում է հակառակ ուղղությամբ, իսկ հետո սկսում է վազել: Այդ պահին հատուկ ծառայության աշխատակիցները ուշադրություն չեն դարձնում ամենին, ինչ տեղի է ունենում շուրջը. մեկը գոտին է ուղղում, իսկ մյուսը՝ իրերն է ստուգում:
Ամոս Դով Սիլվերը Ուկրաինայում ձերբակալվել էր 2019-ի մարտին՝ Իսրայելի իշխանությունների խնդրանքով: Նրա նկատմամբ միջազգային հետախուզում է հայտարարվել հզոր հանցավոր կազմակերպություն ղեկավարելու մեղադրանքով, որը թմրանյութերի վաճառք է կազմակերպել սոցիալական ցանցերի և մեսենջերների միջոցով: Ուկրաինայի, ԱՄՆ-ի և Գերմանիայի տարածքում առնվազն տաս հազար թմրավաճառ է գործել:
Օգոստոսի 18-ին Ուկրաինայի գլխավոր դատախազի խոսնակը հայտնել է, որ Դով Սիլվերը արտահանձնվել է Իսրայել՝ երկրորդ փորձի արդյունքում: