Ջիբրալթարի իշխանությունները մերժել են ԱՄՆ-ի հայցը՝ իրանական Grace 1 լցանավը կալանավորելու համար, որն ավելի վաղ ազատ էր արձակվել Ջիբրալթարի կողմից՝ ԵՄ պատժամիջոցները խախտելու կասկածանքով կալանավորումից հետո:
Ինչպես գրում է Gibraltar Chronicle-ը, ԱՄՆ-ը փորձել է առգրավել նավը՝ կապված Իրանի դեմ պատժամիջոցների հետ:
«Իրանի դեմ ԵՄ պատժամիջոցների ռեժիմը սկզբունքորեն տարբերվում է ԱՄՆ վարչակարգի ռեժիմից»,- նշել է Ջիբրալթարի կառավարությունը:
Բացի այդ, նրանք նշել են, որ Իսլամական հեղափոխության պահապանների կորպուսը Ջիբրալթարի, Մեծ Բրիտանիայի կամ ԵՄ-ի կողմից որպես ահաբեկչական կազմակերպություն չի ճանաչվել:
Ավելի վաղ ԱՄՆ Կոլումբիա շրջանի դաշնային դատարանը իրանական Grace 1 լցանավը կալանավորելու օրդեր է տվել:
Հուլիսի 4-ին Մեծ Բրիտանիայի Թագավորական ծովային հետևակի զինծառայողները ձերբակալել են Grace 1 լցանավը Ջիբրալթարի ափերին, քանի որ, ենթադրաբար, այն նավթ էր առաքում Սիրիա:
Ավելի ուշ Ջիբրալթարի իշխանությունները պաշտոնական գրավոր հավաստիացումներ են ստացել Իրանի կառավարությանից, որ նավը չի բեռնաթափվի Սիրիայում, որից հետո այն ազատ է արձակվել:
