Հյուսիսային Կարոլինայից Ներկայացուցիչների պալատի անդամ Մարու Ուոքերը պաշտոնապես և հրապարակավ դիմել է ԱՄՆ ռազմածովային ուժերի նախարար և Պենտագոնի ղեկավարի հավակնորդ Ռիչարդ Սփենսերին:
Իր նամակում նա պահանջել է ներկայացնել պատասխաններ վերջին ժամանակներս տեղի ունեցած իրադարձությունների վերաբերյալ, երբ դիսպետչեր զինվորականները նորից սկսեցին մեծ քանակությամբ հաղորդագրություններ ստանալ չբացահայտված թռչող սարքերի մասին, որոնց շատ մանյովրները անհնար է կատարել այն տեխնիկական մակարդակով, որի վրա է գտնվում ամերիկյան ռազմական մեքենան: Նման հաղորդագրություններ ստացվում են ոչ միայն Ամերիկայի տարածքից, այլև ամբողջ աշխարհից:
Նամակի օբյեկտը հենց Սփենսերն է, քանի որ, նշում է սենատորը, վերջերս ռազմանավերի անձնակազմերը հրաման են ստացել հետևել և արձանագրել ամբողջ անսովորը, այդ թվում՝ կապված իրենց տարօրինակ պահող թռչող սարքերի հետ:
Այնուամենայնիվ, «քանի որ ընդլայնված է օդատիեզերական նույնականացման ծրագիրը (AATIP)» (2007-2012թթ. ԱՄՆ-ում գոյություն ունեցող ծրագիր, որի աշխատանքի առարկան ՉԹՕ-ների մասին հաղորդագրություններն են), Ուոքերը խնդրում է հաղորդել, թե որ մակարդակի վրա է գտնվում չբացահայտված օբյեկտների մասին հետաքննությունը, ինչպես նաև տեղեկատվություն տրամադրել այն մասին, թե հնարավո՞ր է արդյոք ընդհանրապես, ելնելով այսօրվա տեխնոլոգիաների տվյալներից, այն օդային մանյովրները, որոնց մասին ասվում է հաշվետվության մեջ:
Հետաքրքիր է, որ նամակում ոչ մի անգամ չի խոսվում ո՛չ այլմոլորակայինների, ո՛չ թշնամական ազգերի մասին, սակայն նշվում է, որ մի կողմից՝ այդ գերարագ և գերմանևրող օդանավերը կարող են սպառնալ ԱՄՆ-ին: Սակայն մյուս կողմից՝ այդպիսի տեխնոլոգիաները ամերիկյան ուժերին կարող են տալ համընդհանուր և լիակատար առավելություն օդում:
Ուոքերը նամակն ուղարկել է հուլիսին: Որոշ ժամանակ անց նա այն հրապարակայնացրել է՝ տեղադրելով իր կայքում: Առայժմ պարզ չէ՝ սենատորը ստացե՞լ է արդյոք պատասխան:
