Օտտավայի քաղաքապետ Ջիմ Ուոթսոնը խոստովանել է, որ ինքը միասեռական է: Այս մասին նա գրել է Ottawa Citizen-ի սյունակում:
58-ամյա Ուոթսոնը պատմել է, որ երկար է պայքարել՝ որոշելու համար՝ լինել բացահայտ գեյ, և կասկածել է, թե ինչպես խոստովանությունը կազդի ընտանիքի, ընկերների և քաղաքական կողմնակիցների հետ հարաբերությունների վրա:
Նա հստակեցրել է՝ այդ մասին պատմելը «լավ է ուշ, քան երբեք»:
«Ես գեյ եմ: Դե ահա, ես ասացի կամ, ավելի շուտ, գրեցի: Այս երկու բառը բարձրաձայնելու համար ինձնից պահանջվեց գրեթե 40 տարի»,- գրել է Ուոթսոնը:
Նա հաղորդել է, որ զղջում է դա ավելի վաղ չանելու համար:
