ԱՄՆ դաշնային դատարանը հայտարարել է իրանական Grace 1 լցանավը կալանելու կատարողականը տալու մասին, որին ավելի վաղ Ջիբրալթարի իշխանություններն ազատ են արձակել։ Համապատասխան հայտարարությունը օգոստոսի 16-ին հրապարակվել է ԱՄՆ-ի արդարադատության նախարարության կայքում։
«Լցանավի կալանման կատարողական տրվել է Կոլումբիա շրջանի դաշնային դատարանի կողմից, դրա համաձայն՝ Grace 1 նավթային լցանավը, դրանով տեղափոխվող նավթամթերքը, ինչպես նաև 995 հազար դոլար գումարը ենթակա են առգրավման՝ «Միջազգային արտակարգ տնտեսական լիազորությունների մասին» օրենքի, ինչպես նաև բանկային մեքենայություններում, փողեր լվանալու և ահաբեկչության ֆինանսավորման մեղադրանքների»,-ասվում է հայտարարությունում։
Ջիբրալթարի գլխավոր նախարար Ֆաբիան Պիկարդոն հաստատել է Grace 1 իրանական լցանավն առգրավելու վերաբերյալ ԱՄՆ-ից հարցում ստանալը, սակայն հայտնել է, որ նավն ազատելու որոշում է կայացրել։