2018-ին ռեկորդային թվով բրիտանացիներ են մահացել թմրանյութերի պատճառով: Այդ առնչությամբ փորձագետները նախազգուշացնում են, որ երկրում «կոկաինի ճգնաժամ» է հասունանում, գրում է Lenta-ն՝ հղում անելով The Sun-ին:
Ազգային վիճակագրական ծառայության տվյալներով՝ Անգլիայում և Ուելսում թմրամիջոցների զոհ է դարձել 4359 մարդ, որը 16 %-ով ավելին է, քան 2017-ին:
Այդ ցուցանիշը 7ս ռեկորդային է՝ ի տարբերություն 1993 թ.-ի, երբ սկսել են հավաքագրվել վիճակագրական տվյալներն այդ հարցի շուրջ:
Զոհերի մեծ մասը գրանցվել է հերոինի հետևանքով, սակայն վերջին երեք տարիների ընթացքում կրկնապատկվել է կոկաինի հետևանքով մահացողների թիվը. այդ թմրանյութից մահանում է յուրաքանչյուր յոթերորդը՝ օրական գրեթե երկու մարդ: Մահացության ամենաբարձր ցուցանիշը գրանցվել է առավել աղքատ, ինչպես նաև ափամերձ շրջաններում:
Փորձագետները նշում են, որ այդ թիվը պատահականություն չէ և կապված է թմրանյութերի դեմ պայքարի ֆինանսավորման կրճատման հետ: Բացի այդ, խնդրահարույց է թմրանյութերի ավելի մեծ քանակությունն ու դրանց ֆինանսական հասանելիությունը:
Յորքի համալսարանից պրոֆեսոր Յան Հելիթոնի խոսքով՝ տեղի ունեցողն առողջապահության համակարգի ճգնաժամ է: Նա մատնանշում է, որ դրա կանխարգելման համար անհրաժեշտ է կառավարության միջամտությունը, իշխանությունները պետք է նաև բացեն և վերահսկեն սենյակներ մեթադոնային թերապիայի համար: