Լուրեր
Քոչարյանը և նախկին իշխանությունը կարող են Ամուլսարի շուրջ բողոքի ալիքը օգտագործել իրենց նպատակների համար
  • 13:15
  • 2019-08-16
  • Դիտումներ՝ *

«Ես դեմ եմ Ամուլսարի շահագործմանը, սակայն կարծում եմ, որ կառավարությունը կթույլատրի հանքի շահագործումը: Մեծ գումարներ են ներդրված, ու հենց այդ հիմքով էլ կթույլատրվի շահագործումը»,- «Առաջին լրատվական»-ի «Մամուլի հետ սուրճ» հաղորդման ժամանակ ասաց իրավապաշտպան Արման Վեզիրյանը:

Ըստ Վեզիրյանի՝ հանքավայրի շահագործումը ընդվզման մեծ ալիք կբարձրացնի, և նախկին իշխանությունը, Ռոբերտ Քոչարյանը կփորձեն այդ դժգոհության ալիքը օգտագործել սեփական շահի, սեփական նպատակների համար:

Զրույցի ժամանակ անդրադարձանք նաև ՀՀԿ փոխնախագահ Արմեն Աշոտյանի վարորդի գործին: Նա երեկ ՀՔԾ-ում ընդունել է մեղքը և վերադարձրել թալանված գումարները: Աշոտյանն ամեն դեպքում կատարվածը որակում է քաղաքական հետապնդում:

Վեզիրյանի խոսքով՝ Աշոտյանը լավ կանի հիշի 2008-ը, դրանից հետո կատարվածը և նոր միայն խոսի քաղաքական հետապնդումներից:

  • Դիտումներ՝ *