Պլյուս չափի ամենաթանկ մոդել Էշլի Գրեմը, որը մեծ չափսերի լողափային հագուստի և ներքնազգեստի իր գիծն է թողարկել, երկրպագուներին ցնցել է անսպասելի լուրով: Instagram-ի իր էջում 31-ամյա Էշլին յուրօրինակ ձևով հաղորդել է իր հղիության մասին: Նա հուզիչ տեսանյութ է հրապարակել, որտեղ նա և իր ամուսինը՝ Ջասթին Էրվինը, հայտնում են ուրախալի լուրը և ցույց տալիս Էշլիի կլորացած փորիկը: Զույգն աներևակայելիորեն երջանիկ է և հղիությունը համարում է լավագույն նվերը ամուսնության իններորդ տարեդարձի առթիվ:
«Ինը տարի առաջ ես ամուսնացա իմ կյանքի սիրո հետ: Դա լավագույն ճամփորդությունն է աշխարհում իմ սիրելի մարդու հետ: Այսօր մենք երջանիկ ենք, երախտապարտ և հուզված, քանի որ սպասում ենք մեր ընտանիքի շուտափույթ համալրմանը: Շնորհավոր Ջասթին Էրվին: Կյանքն ավելի կգեղեցկանա»,- տեսանյութը մեկնաբանել է հղի Էշլի Գրեմը:
Էշլին և Ջասթինը հանդիպել են 2009 թ.-ին եկեղեցում: Արդեն մեկ տարի անց նրանք ամուսնացել են: Ավելի վաղ, Էշլին հարցազրույցում ասել է, որ ինքն ու ամուսինը վաղուց են երազում երեխաների մասին:
https://www.instagram.com/p/B1JWcqCgUSI/?utm_source=ig_embed