Բրիտանական Ջիբրալթարի իշխանությունները որոշել են կալանքից ազատել Grace1 տանկերը, որն իրանական նավթ էր տեղափոխում, հայտնում է «ՌԻԱ Նովոստին»:
Հաղորդվում է, որ տանկերի ձերբակալման որոշում իշխանությունները կայացրել են ԵՄ պատժամիջոցների մասին օրենքի համաձայն:
Հուլիսի 4-ին բրիտանական ծովային հետևակն ու Ջիբրալթարի ոստիկանությունը իրանական տանկերը ձերբակալել են Պիրենեյան թերակղզու հարավային ափում։
Ջիբրալթարի գլխավոր նախարար Ֆաբիան Պիկարդոն հայտարարել է, որ նավը նավթ է տեղափոխում Սիրիա, իսկ դա Դամասկոսի նկատմամբ կիրառված ԵՄ պատժամիջոցների խախտում է։ Վաշինգտոնն իր հերթին ողջունել է այդ քայլը, բացատրելով դա նրանով, որ Եվրոպան աջակցում է Իրանի նկատմամբ ԱՄՆ միակողմանի պատժամիջոցները։
Նշվում է, որ իրանական կողմը Ջիբրալթարի կառավարությանը գրավոր հավաստիացում է ներկայացրել, որ տանկերի կալանքից ազատման դեպքում դրա օգտագործումը չի ընկնի ԵՄ պատժամիջոցների ազդեցության տակ:
Ավելի վաղ հայտնի էր դարձել, որ Ջիբրալթարի իշխանություններն ազատ են արձակել կալանված Grace 1 տանկերի անձնակազմի որոշ անդամների:
